मकवानपुर जिल्लाको पुरानो सदरमुकाम तथा तत्कालीन समयको काठमाडौँ उपत्यकाको

यस श्री महेन्द्र माध्यमिक विद्यालय भीमफेदी स्रोतकेन्द्रमा यस स्रोतकेन्द्र भित्र रहेका सामुदायिक विद्यालयहरुको प्रधानाध्यापक र वि.व्य.स.अध्यक्ष वा सदस्य गरी जम्मा २ जनालाई मिति २०७१–११–१३ देखि मिति२०७१–११–१५ गते सम्म जम्मा ३ दिन विद्यालय सुधार योजना निर्माण सम्वन्धि तालिम संचालन भएको थियो ।

हाम्रो बारेमा

मकवानपुर जिल्लाको पुरानो सदरमुकाम तथा तत्कालीन समयको काठमाडौँ उपत्यकाको प्रवेशद्वारको रुपमा रहेको भीमफेदी बजार एक ऐतिहासिक स्थान हो । राणाकालमा राणा प्रधानमन्त्री श्री ३ चन्द्र शम्शेर ज.ब.रा.ले तत्कालीन काठमाडौं र मधेश प्रवेशको मूलद्वार एवम् देशको चलायमान व्यापारिक प्रशासनिक केन्द्रको रुपमा रहेको भीमफेदी देश र परदेशबाट काठमाडौं आउन र जाने सबै खाले यात्रुहरुलाई बासको असुबिधा भएको अवस्थामा सुविस्तासँग बस्न पाउन भनि वि.स. १९८२ सालमा सुरु भइ वि.सं. १९८३ मा एक सुविधा सम्पन्न र व्यवस्थित २ तले १२ कोठा भएको धर्मशालाको रुपमा निर्माण सम्पन्न गरिएको शिलालेखमा भेटिएको छ ।

सेवा क्षेत्र

नजिक रहेका विद्यालयको बिबरण

विद्यालयको नाम	विद्यालयको किसिम	गाँउको नाम	अन्दाजी दुरी	दिसा
सातकन्य प्रावि	सरकारी	सोला भन्ज्याङ्ग	०४ किमि	पूर्व
महेन्द्र सरस्वती आवि	सरकारी	र्धोिर्सङ्ग	०३ किमि	पश्चिम
बटुक प्रावि	सरकारी	चिसापानी गढी	०८ किमि	उत्तर
बनदेवी प्रावि	सरकारी	उर्लावारी	०४ किमि	पूर्व
बारही मावि	सरकारी	दमार	०५ किमि	दक्षिण
गोरखनाथ प्रावि	सरकारी	ज्यमिरे	०४ किमि	दक्षिण

अनुशासन

व्यक्ति , समाज , राष्ट्र सबैले आ–आफ्नो अधिकार र कर्तव्यको पालना गर्ने नियम नै अनुशासन हो । अनुशासनको पालना सबैले गर्नु पर्छ । त्यसकारण यस विद्यालयमा केहि विद्यार्थीहरुमा अनशासनमा कमि देखिएकोले शिक्षण सिकाइमा त्यति प्रभावकारी देखिएन र सिकाइ उपलब्धि बृद्धि गर्न सकिएन । यी कुराहरु सबैमा अवगत भएको हो । २०७६ बैशाख महिना देखि नै विद्यार्थीहरुमा अनुशासन कायम गरी सिकाई उपलब्धि बृद्धि गर्ने उद्धेश्यले अनुशासन समिति गठन गर्ने निर्णय गरियो । सोहि समितिले तपशिलमा उल्लेख भए अनुसार नियम बनाइ आजैकै मितिबाट लागू भएका छन् ।

१. विद्यार्थीहरुले विद्यालयमा आउँदा विद्यालयले तोकेको पोशाक अनिवार्य रुपमा लगाएर आउनुपर्ने छ ।
२. ठीक १० बजे उपस्थिति भई ४ बजेसम्म विद्यालयमा रहनु पर्ने छ ।
३. छात्रले कपाल लामो ,टाटेपाटे र खैरो बनाएर आउन पाइने छैन ।
४. छात्रले कानमा मुन्दा्र ,टप , सिन्का , हातमा औंठी , बाला लगाएर आउन पाईने छैन ।
५. प्रार्थना समयमा शिक्षक र विद्यार्थी अनिवार्य उपस्थिति हुनु पर्ने छ ।
६. विद्यालय हाता भित्र कुनै पनि गाली , बेजति र अपशब्द प्रयोग गरि खराव व्यवहार गर्न पाईने छैन ।
७. खाली घण्टी भई शिक्षक उपलव्ध नभएमा आपसमा छलफल गरी कक्षा मै बस्नु पर्ने छ ।
८. टिफीन टाइम भन्दा अन्य समयमा बाहिर निष्कन पाईने छैन ।
प्रयोग गरी बाहिर जान पाईने छ ।
९. बाहिर जादा शिक्षक कक्षामा भए शिक्षक र नभएमा मनिटरको आदेश पछि मात्र जान पर्ने छ ।
१०. छात्राहरुले स्कट (फ्रक) घँुडासम्म लगाउनु पर्ने छ ।
११. छात्राहरुले अगाडी कपाल झारेर आउन नपाउने , सामान्य भन्दा बढि सिंगार (मेकअप) गरेरल आउन पाईने छैन ।
१२. विद्यार्थीले मोवाईल लिएर आउन पाउने छैन । यदि ल्याएमा विद्यालयले नियन्त्रण गरि अभिभाबकको रोहवरमा मात्र जिम्मा लगाईने छ ।
१३. विद्यार्थी विद्यालयमा रहदा घरमा कुनै अतिआवश्यक काम परेमा विद्यालयको फोन नं ०५७–४१००४५ नम्बर प्रयोग गर्न सक्ने छ ।
१४. शिक्षक तथा कर्मचारीले नेपाल सरकारले तोकेको पोशाक अनिवार्य लगाएर उपस्थिति हुनु पर्ने छ ।
१५. शिक्षकहरुले मोवाईल फोन भाइब्रेशनमा राख्नु पर्ने छ । तर बीचमा आकस्मीक फोन आएमा कक्षाबाट बाहिर गई छोटो कुराकानीमा टुङ्गाउनु पर्ने छ ।
१६. कक्षामा कसैको खराव कुराकानी , गलत व्यवहार , प्रस्तुत गरेमा कुनै शिक्षकलाई गोप्य जानकारी गराएमा त्यस्तो गलत काम गर्नेलाई विद्यालयले कारबाही गर्ने छ । गोप्य जानकारी दिनेको विद्यार्थीको नाम गोप्य राखिने छ ।
१७. माथिका कुनै बुँदाहरु आजैबाट लागू हुने छन । यदि कसैले उलङगन गरेमा त्यसको कारबाहीको भागेदार स्वयम् हुनु पर्ने छ ।
१८. यो नियम पालन गर्नु सबैको दायित्व हो । नगरेमा वि.व्य.स., विद्यायय प्रशासन, अन्य निकाय,अनुशासन समितिले गरेको निर्णय अन्तिम हुने छ ।

Shree Mahendra Secondary School of Management is the prime institution established in 2016 BS with the primary objective of providing excellent educational service to students from Montessori to twelfth grade.

Programmee Offered