मकवानपुर जिल्लाको पुरानो सदरमुकाम तथा तत्कालीन समयको काठमाडौँ उपत्यकाको प्रवेशद्वारको रुपमा रहेको भीमफेदी बजार एक ऐतिहासिक स्थान हो । राणाकालमा राणा प्रधानमन्त्री श्री ३ चन्द्र शम्शेर ज.ब.रा.लेतत्कालीन काठमाडौं र मधेश प्रवेशको मूलद्वार एवम् देशको चलायमान व्यापारिक प्रशासनिक केन्द्रको रुपमा रहेको भीमफेदी देश र परदेशबाट काठमाडौं आउन र जाने सबै खाले यात्रुहरुलाई बासको असुबिधा भएको अवस्थामा सुविस्तासँग बस्न पाउन भनि वि.स. १९८२ सालमा सुरु भइ वि.सं. १९८३ मा एक सुविधा सम्पन्न र व्यवस्थित २ तले १२ कोठा भएको धर्मशालाको रुपमा निर्माण सम्पन्न गरिएको शिलालेखमा भेटिएको छ ।

उक्त ऐतिहासिक भवनमा पछि गएर वि.स. २००४ सालमा पद्म शमशेर ज.ब.रा.ले विद्यालय खोल्ने क्रममा मकवानपुरको तत्कालीन सदरमुकाम भीमफेदीमा पनि विद्यालय स्थापना गरेका थिए । यसरी हेर्दा यस विद्यालयले अहिले ७२ बर्ष पुरानो इतिहास बोकेको देखिन्छ । स्थापनाकालमा “भीम आधार पाठशाला”को नाममा स्थापना भएको यस विद्यालय वि.स. २००७ सालमा मुलुकमा १०४ बर्षे जहानीयाँ राणा शासनको अन्त्य भई प्रजातन्त्रको बहाली पश्चात वि.सं २००८ सालमा फराकिलो बन्दै वि.सं २०१२ सालमा “आधार हाइस्कुल”मा परिणत भयो र जसमा ८ सम्म पढाइ हुन्थ्यो र त्यसलाई तत्कालीन एस.एल.सी. सरहको मान्यता प्रदान गरिन्थ्यो । वि.सं. २०१२ सालदेखि वि.सं. २०१८ सालसम्म “भीम आधारभूत स्कूल” को नाममा सञ्चालन भयो र वि.स. २०१९ सालदेखि पूर्ण रुपमा सरकारी मान्यता प्राप्त हाइस्कूलमा परिणत भएको विद्यालयको अभिलेखबाट देखिन्छ । वि.स. २०६४ सालमा यस विद्यालयमा एस.एल.सी. परीक्षा केन्द्र कायम भएको र हालसम्म रहिरहेको छ ।

वि.स. २०६८ सालमा तत्कालीन उच्च माध्यमिक शिक्षा परिषदबाट १०+२ को सम्बन्धन प्राप्त भई शिक्षा शास्त्र सङ्कायको अध्यापन हँुदै आइरहेको छ । प्राविधिक शिक्षा तथा व्यवसायिक तालिम परिषद ९ऋत्भ्ख्त्० बाट मान्यता प्राप्त गरी सब–ओभरसियर (१८ महिने) प्राविधिक शिक्षा समेत शैक्षिक सत्र २०७५ बाट स्वीकृत भई सञ्चालन भइरहेको छ ।